អ្នកបឹងកក់ដាក់បណ្តាសា
- MONDAY, 19 SEPTEMBER 2011 15:06
- ឃុត សុភចរិយា
ភ្នំពេញៈ ប្រជាពលរដ្ឋរងគ្រោះក្នុងតំបន់បឹងកក់កាលពីព្រឹកថ្ងៃអាទិត្យម្សិលមិញ បាននាំគ្នាដុតធូបដាក់បណ្ដាសាដល់ក្រុមមន្ត្រីពុករលួយទាំងអស់ ឲ្យជួបតែក្ដីវិនាសទាន់ហន់។ពិធីដាក់បណ្ដាសានេះបានធ្វើឡើងបន្ទាប់ពីអ្នកភូមិមួយចំនួនបាន រងរបួសជាទម្ងន់នៅក្នុងការវាយបង្ក្រាបយ៉ាងហិង្សាសាជាថ្មីដោយ កម្លាំងសមត្ថកិច្ចចម្រុះខណ្ឌដូនពេញ នៅពេលដែលពួកគាត់បាននាំគ្នាប្រតិកម្មតបត ដើម្បីការពារផ្ទះរបស់ខ្លួនពីការវាយកម្ទេចចោលដោយគ្រឿងចក្រ របស់ក្រុមហ៊ុនស៊ូកាគូអ៊ីនកាលពីថ្ងៃសុក្រ។នៅក្រោមដំបូលតង់ គ្មានជញ្ជាំងបាំងបិទ លោកដួង គា អាយុ៤៣ឆ្នាំ ដែលជាមន្ត្រីរាជការម្នាក់ ធ្លាប់មានផ្ទះរស់នៅសមរម្យនៅភូមិ២២ សង្កាត់ស្រះចក ខណ្ឌដូនពេញ បានប្រាប់ភ្នំពេញប៉ុស្តិ៍ពីគោលបំណងនៃពិធីដាក់បណ្ដាសានេះថា ធ្វើឡើងដើម្បីបន់ស្រន់សុំឲ្យស្ដេចយមរាជ ជួយផ្ដន្ទាទោសដល់ជនពុករលួយ ដែលបានឃុបឃិតគ្នាវាយបំផ្លាញផ្ទះរបស់គាត់ និងអ្នកភូមិផ្សេងទៀតក្នុងតំបន់បឹងកក់។លោកបានថ្លែងថា៖ «រដូវនេះជារដូវបុណ្យភ្ជុំបិណ្ឌ ដូច្នេះការដាក់បណ្ដាសាពិតជាស័ក្ដិសិទិ្ធ ហើយខ្ញុំជឿថាមន្ត្រីពុករលួយទាំងនោះនឹងជួបក្ដីវិនាសទាន់ហន់»។កាលពីថ្ងៃសុក្រ ក្រុមមន្ត្រីនិងកងកម្លាំងប្រដាប់អាវុធមួយចំនួនរបស់អាជ្ញាធរ ខណ្ឌដូនពេញ ប្រមាណ១០០នាក់ បាននាំគ្នាការពារនិងលើកទឹកចិត្តឲ្យបុគ្គលិកនិងកម្មកររបស់ ក្រុមហ៊ុនស៊ូកាគូអ៊ីន ប្រើអេស្កាវាទ័រ វាយកម្ទេចលំនៅដ្ឋានចំនួន៨ខ្នង របស់ប្រជាពលរដ្ឋបឹងកក់ ដែលស្ថិតក្នុងភូមិ២២ សង្កាត់ស្រះចក ខណ្ឌដូនពេញ ដោយគ្មានការជូនដំណឹងជាមុន។ដោយភាពរំជួលចិត្តខ្លាំងពេក ក្រុមអ្នកភូមិរងគ្រោះទាំងនេះ បានបញ្ចេញ ប្រតិកម្មតបត ដោយប្រើដុំថ្ម គប់ទៅលើគ្រឿងចក្រ ដើម្បីការពារលំនៅដ្ឋានរបស់ខ្លួន និងដើម្បីបញ្ឈប់ការបំផ្លិចបំផ្លាញនេះ ប៉ុន្តែពួកគាត់ត្រូវរងការវាយបង្ក្រាបដោយដំបង ខែល និងដុំថ្ម ពីក្រុមកងកម្លាំងសមត្ថកិច្ចចម្រុះខណ្ឌដូនពេញ ដែលបានឈរចាំជួយការពារក្រុមហ៊ុនប្រើគ្រឿងចក្រ ឈូសបំផ្លាញផ្ទះពលរដ្ឋឲ្យរាបដល់ដីនោះ។លោកសួង សុភ័ណ្ឌ ប្រជាពលរដ្ឋរស់នៅភូមិ ២០ ដែលបានចូលរួមក្នុងការតវ៉ានេះ ត្រូវបានក្រុមកម្លាំងសមត្ថកិច្ចចម្រុះខណ្ឌដូនពេញជាច្រើននាក់ ប្រដាប់ដោយខែល និងដំបង បានចោមរោម វាយសំពង ទាត់ធាក់ រហូតដល់បែកក្បាលដួលសន្លប់ភ្លាមៗក្នុងថ្លុកឈាមនៅលើដី នៅនឹងកន្លែង ហើយក្រុមសមត្ថកិច្ចរាជធានី ដែលត្រូវបានក្រុមអ្នកភូមិ និងមន្ត្រីអង្គការសង្គមស៊ីវិល ហៅថា សាហាវព្រៃផ្សៃ គ្មានធម៌មេត្តានោះ បានបំបែកគ្នាចេញអស់ដោយពុំមានការទទួលខុសត្រូវឡើយ។ លោក សុភ័ណ្ឌ ត្រូវបានក្រុមមន្ត្រីអង្គការសហប្រជាជាតិទទួលបន្ទុកផ្នែកសិទ្ធិ មនុស្ស ជួយអន្តរាគមន៍ នាំយកទៅសង្គ្រោះបន្ទាន់នៅឯមន្ទីរពេទ្យកាល់ម៉ែត។កាលពីព្រឹកថ្ងៃអាទិត្យបន្ទាប់ពីមានអាការល្អប្រសើរឡើងវិញ លោក សុភ័ណ្ឌ បានអះអាងថា នគរបាលម្នាក់ ក្នុងចំណោម ៦នាក់ ដែលបានចោមវាយសំពងលើរូបលោក បានផ្ដាច់យកខ្សែកមាសទម្ងន់ ៥ ជី របស់លោក មុនពេលពួកគេវាយឲ្យសន្លប់។លោកបានថ្លែងថា៖ «ខ្ញុំមិនដឹងថា តើគេ[នគរបាល]នោះជានរណា ឬឈ្មោះអ្វីទេ ព្រោះគ្នាច្រើន។ ខ្ញុំគិតថា ទង្វើពួកគេមិនខុសពីចោរប្លន់នោះទេ»។អ្នកស្រីឈួន លីចេង អាយុ៣២ ឆ្នាំ ដែលផ្ទះរបស់គាត់ត្រូវបានគេវាយកម្ទេចចោលដែរនោះបាននិយាយថា ក្រុមហ៊ុនស៊ូកាគូអ៊ីន និងអាជ្ញាធរបានឃុបឃិតគ្នា បំផ្លាញលំនៅដ្ឋានរបស់អ្នកស្រី ដោយពុំបានជូនដំណឹងជាមុន។អ្នកស្រីបានថ្លែងថា៖ «ខ្ញុំកំពុងអង្គុយលក់ដូរ ស្រាប់តែគេយកគ្រឿងចក្រ [អេស្កា] ពីរគ្រឿងមកឈូសកម្ទេចតែម្ដង។ ខ្ញុំស្ទើរតែត្រូវដំថ្ម និងដែកដំបូលផ្ទះ ធ្លាក់សង្កត់ស្លាប់ ប្រសិនបើគ្មានអ្នកមកអូសដៃខ្ញុំចេញទេនោះ។ សកម្មភាពរបស់ពួកគេ សាហាវព្រៃផ្សៃបំផុត»។អ្នកស្រីហេង មុំ អាយុ ៥៤ ឆ្នាំ ដែលកាលពីថ្ងៃសុក្រ ផ្ទះរបស់គាត់ ត្រូវបានគេវាយកម្ទេចដំបូងដែរនោះ បាននិយាយទាំងទឹកភ្នែករលីងរលោងថា ពួកគេហៅគាត់ទៅចរចា ដោយឲ្យតម្លៃផ្ទះរបស់គាត់ចំនួន ៨០ ០០០ ដុល្លារនិងបានគំរាមបូមខ្សាច់កប់ពន្លិច និងវាយកម្ទេចចោលប្រសិនបើគាត់មិនព្រមទទួលយកតម្លៃនេះ។អ្នកស្រីបានថ្លែងថា៖ «ខ្ញុំបានបដិសេធ នូវតម្លៃដែលពួកគេបានផ្ដល់ឲ្យ ហើយពួកគេធ្វើមកលើគ្រួសាររបស់ខ្ញុំ ដូចអ្វីដែលពួកគេបានគំរាមនោះមែន»។លោកអំ សំអាត ប្រធានក្រុមស៊ើបអង្កេត នៃអង្គការសិទ្ធិមនុស្សលីកាដូ បានថ្កោលទោសចំពោះក្រុមសមត្ថកិច្ច ដែលបានប្រើហិង្សាទៅលើប្រជាពលរដ្ឋក្នុងតំបន់បឹងកក់ថា ជាការរំលោភធ្ងន់ធ្ងរទៅលើសិទ្ធិមនុស្ស។ លោកបានថ្លែងថា៖ «យើងពិតជាមានការសោកស្ដាយយ៉ាងក្រៃលែង នៅពេលដែលឃើញក្រុមកម្លាំងសមត្ថកិច្ច បានប្រើអំពើហិង្សាយ៉ាងឃោរឃៅ ទៅលើប្រជាពលរដ្ឋបែបនេះ»។ លោកបានអំពាវនាវ ស្នើឲ្យមានការស៊ើបអង្កេតជាថ្មីជុំវិញករណីនេះ និងទាមទារឲ្យមានការដាក់ទោសទណ្ឌទៅលើបុគ្គល ដែលបានប្រើហិង្សាទៅលើប្រជាពលរដ្ឋ។មិនមែនមានតែសង្គមស៊ីវិលទេសមត្ថកិច្ច និងមន្ត្រីរាជការមួយចំនួន ដែលបានឃើញហេតុការណ៍នោះផ្ទាល់ភ្នែក បានសម្តែងនូវក្តីអាណិតអាសូរដល់ពលរដ្ឋបឹងកក់ ហើយបានរិះគន់មន្ត្រី និងកងកម្លាំងសមត្ថកិច្ច ដែលបានប្រើអំពើហិង្សាទាំងនោះថា៖ «ខ្វះសីលធម៌ និងខ្វះការអប់រំអំពីច្បាប់ សិទ្ធិ តួនាទី និងកាតព្វកិច្ចរបស់កងកម្លាំង»។កាលពីថ្ងៃទី ១១ ខែសីហា ឆ្នាំ២០១១ លោកនាយករដ្ឋមន្ត្រីហ៊ុន សែន បានចេញនូវអនុក្រឹត្យថ្មីមួយ ដោយសម្រេចកាត់ដីចំនួន១២,៤៤ហិកតា សម្រាប់ផ្ដល់ជាប្រទានកម្ម ជូនអ្នកភូមិបឹងកក់ដែលនៅសេសសល់ពីការបណ្ដេញចេញ ដើម្បីបញ្ចប់វិវាទដីធ្លីរវាងប្រជាពលរដ្ឋនៅក្នុងតំបន់បឹងកក់ និងក្រុមហ៊ុនស៊ូកាគូអ៊ីន ដែលបានអូសបន្លាយប្រមាណជា ៥ ឆ្នាំមកហើយនេះ ។លោកសៀ ភារម្យ ប្រធានអង្គការបេសកកម្មសិទ្ធិលំនៅដ្ឋាន បានសម្ដែងនូវក្តីព្រួយបារម្ភយ៉ាងខ្លាំង អំពីជម្លោះជាថ្មី ដែលកើតឡើងដោយសារតែអាជ្ញាធររាជធានីភ្នំពេញ បកស្រាយអត្ថន័យ និងខ្លឹមសាររបស់អនុក្រឹត្យលេខ ១៨៣ មិនបានត្រឹមត្រូវ ដែលនាំឲ្យប្រជាពលរដ្ឋចំនួនជិត ១០០ គ្រួសារ មិនត្រូវបានគេផ្ដល់ប័ណ្ណកម្មសិទ្ធិដីធ្លី ដែលផ្ដល់ដោយអនុក្រឹត្យថ្មីនេះ។ លោកបានថ្លែងថា៖ «អាជ្ញាធររាជធានីភ្នំពេញ ទំនងជាមានចេតនា បកស្រាយខ្លឹមសារនៃអនុក្រឹត្យលេខ ១៨៣ ឲ្យខុសពីអត្ថន័យដើម ដើម្បីកាត់យកចំណែកដី១២,៤៤ ហិកតា ពីប្រជាពលរដ្ឋទៅឲ្យក្រុមហ៊ុន»។លោកពេជ្រ ចាន់ធា អាយុ ៤៤ឆ្នាំ ជាមន្ត្រីរាជការម្នាក់ រស់នៅភូមិ ២៣ សង្កាត់ស្រះចក បានរិះគន់ខ្លាំងៗ បន្ទាប់ពីឃើញការឈូសកម្ទេចផ្ទះ និងការវាយដំយ៉ាងហិង្សា កាលពីថ្ងៃសុក្រនោះថា រដ្ឋាភិបាល កំពុងមានមោទនភាព និងកំពុងតែអភិវឌ្ឍប្រទេសឲ្យទៅជាព្រះរាជាណាចក្រអច្ឆរិយ ប៉ុន្តែមន្ត្រីរដ្ឋាភិបាលមួយចំនួន កំពុងធ្វើទុក្ខបុកម្នេញប្រជាពលរដ្ឋ និងកំពុងកែប្រែជីវភាពប្រជាពលរដ្ឋ «ពីការរស់នៅមានទីជម្រកល្អរឹងមាំមានសុវត្ថិភាព និងមានមុខរបរសមរម្យ ទៅជារស់នៅក្រោមដំបូលតង់ និងដោយភាពស្រេកឃ្លាន»។លោកអភិបាលរាជធានី កែប ជុតិមា លោកទូច ណារ៉ុថ ស្នងការនិងលោកឡាវ វ៉ាន់ អគ្គនាយករងក្រុមហ៊ុន ស៊ូកាគូអ៊ីន មិនអាចទំនាក់ទំនងសុំការអត្ថាធិប្បាយបានទេ កាលពីម្សិលមិញ៕
- MONDAY, 19 SEPTEMBER 2011 15:06
- ឃុត សុភចរិយា
ពិធីដាក់បណ្ដាសានេះបានធ្វើឡើងបន្ទាប់ពីអ្នកភូមិមួយចំនួនបាន រងរបួសជាទម្ងន់នៅក្នុងការវាយបង្ក្រាបយ៉ាងហិង្សាសាជាថ្មីដោយ កម្លាំងសមត្ថកិច្ចចម្រុះខណ្ឌដូនពេញ នៅពេលដែលពួកគាត់បាននាំគ្នាប្រតិកម្មតបត ដើម្បីការពារផ្ទះរបស់ខ្លួនពីការវាយកម្ទេចចោលដោយគ្រឿងចក្រ របស់ក្រុមហ៊ុនស៊ូកាគូអ៊ីនកាលពីថ្ងៃសុក្រ។
នៅក្រោមដំបូលតង់ គ្មានជញ្ជាំងបាំងបិទ លោកដួង គា អាយុ៤៣ឆ្នាំ ដែលជាមន្ត្រីរាជការម្នាក់ ធ្លាប់មានផ្ទះរស់នៅសមរម្យនៅភូមិ២២ សង្កាត់ស្រះចក ខណ្ឌដូនពេញ បានប្រាប់ភ្នំពេញប៉ុស្តិ៍ពីគោលបំណងនៃពិធីដាក់បណ្ដាសានេះថា ធ្វើឡើងដើម្បីបន់ស្រន់សុំឲ្យស្ដេចយមរាជ ជួយផ្ដន្ទាទោសដល់ជនពុករលួយ ដែលបានឃុបឃិតគ្នាវាយបំផ្លាញផ្ទះរបស់គាត់ និងអ្នកភូមិផ្សេងទៀតក្នុងតំបន់បឹងកក់។
លោកបានថ្លែងថា៖ «រដូវនេះជារដូវបុណ្យភ្ជុំបិណ្ឌ ដូច្នេះការដាក់បណ្ដាសាពិតជាស័ក្ដិសិទិ្ធ ហើយខ្ញុំជឿថាមន្ត្រីពុករលួយទាំងនោះនឹងជួបក្ដីវិនាសទាន់ហន់»។
កាលពីថ្ងៃសុក្រ ក្រុមមន្ត្រីនិងកងកម្លាំងប្រដាប់អាវុធមួយចំនួនរបស់អាជ្ញាធរ ខណ្ឌដូនពេញ ប្រមាណ១០០នាក់ បាននាំគ្នាការពារនិងលើកទឹកចិត្តឲ្យបុគ្គលិកនិងកម្មកររបស់ ក្រុមហ៊ុនស៊ូកាគូអ៊ីន ប្រើអេស្កាវាទ័រ វាយកម្ទេចលំនៅដ្ឋានចំនួន៨ខ្នង របស់ប្រជាពលរដ្ឋបឹងកក់ ដែលស្ថិតក្នុងភូមិ២២ សង្កាត់ស្រះចក ខណ្ឌដូនពេញ ដោយគ្មានការជូនដំណឹងជាមុន។
ដោយភាពរំជួលចិត្តខ្លាំងពេក ក្រុមអ្នកភូមិរងគ្រោះទាំងនេះ បានបញ្ចេញ ប្រតិកម្មតបត ដោយប្រើដុំថ្ម គប់ទៅលើគ្រឿងចក្រ ដើម្បីការពារលំនៅដ្ឋានរបស់ខ្លួន និងដើម្បីបញ្ឈប់ការបំផ្លិចបំផ្លាញនេះ ប៉ុន្តែពួកគាត់ត្រូវរងការវាយបង្ក្រាបដោយដំបង ខែល និងដុំថ្ម ពីក្រុមកងកម្លាំងសមត្ថកិច្ចចម្រុះខណ្ឌដូនពេញ ដែលបានឈរចាំជួយការពារក្រុមហ៊ុនប្រើគ្រឿងចក្រ ឈូសបំផ្លាញផ្ទះពលរដ្ឋឲ្យរាបដល់ដីនោះ។
លោកសួង សុភ័ណ្ឌ ប្រជាពលរដ្ឋរស់នៅភូមិ ២០ ដែលបានចូលរួមក្នុងការតវ៉ានេះ ត្រូវបានក្រុមកម្លាំងសមត្ថកិច្ចចម្រុះខណ្ឌដូនពេញជាច្រើននាក់ ប្រដាប់ដោយខែល និងដំបង បានចោមរោម វាយសំពង ទាត់ធាក់ រហូតដល់បែកក្បាលដួលសន្លប់ភ្លាមៗក្នុងថ្លុកឈាមនៅលើដី នៅនឹងកន្លែង ហើយក្រុមសមត្ថកិច្ចរាជធានី ដែលត្រូវបានក្រុមអ្នកភូមិ និងមន្ត្រីអង្គការសង្គមស៊ីវិល ហៅថា សាហាវព្រៃផ្សៃ គ្មានធម៌មេត្តានោះ បានបំបែកគ្នាចេញអស់ដោយពុំមានការទទួលខុសត្រូវឡើយ។ លោក សុភ័ណ្ឌ ត្រូវបានក្រុមមន្ត្រីអង្គការសហប្រជាជាតិទទួលបន្ទុកផ្នែកសិទ្ធិ មនុស្ស ជួយអន្តរាគមន៍ នាំយកទៅសង្គ្រោះបន្ទាន់នៅឯមន្ទីរពេទ្យកាល់ម៉ែត។
កាលពីព្រឹកថ្ងៃអាទិត្យបន្ទាប់ពីមានអាការល្អប្រសើរឡើងវិញ លោក សុភ័ណ្ឌ បានអះអាងថា នគរបាលម្នាក់ ក្នុងចំណោម ៦នាក់ ដែលបានចោមវាយសំពងលើរូបលោក បានផ្ដាច់យកខ្សែកមាសទម្ងន់ ៥ ជី របស់លោក មុនពេលពួកគេវាយឲ្យសន្លប់។
លោកបានថ្លែងថា៖ «ខ្ញុំមិនដឹងថា តើគេ[នគរបាល]នោះជានរណា ឬឈ្មោះអ្វីទេ ព្រោះគ្នាច្រើន។ ខ្ញុំគិតថា ទង្វើពួកគេមិនខុសពីចោរប្លន់នោះទេ»។
អ្នកស្រីឈួន លីចេង អាយុ៣២ ឆ្នាំ ដែលផ្ទះរបស់គាត់ត្រូវបានគេវាយកម្ទេចចោលដែរនោះបាននិយាយថា ក្រុមហ៊ុនស៊ូកាគូអ៊ីន និងអាជ្ញាធរបានឃុបឃិតគ្នា បំផ្លាញលំនៅដ្ឋានរបស់អ្នកស្រី ដោយពុំបានជូនដំណឹងជាមុន។
អ្នកស្រីបានថ្លែងថា៖ «ខ្ញុំកំពុងអង្គុយលក់ដូរ ស្រាប់តែគេយកគ្រឿងចក្រ [អេស្កា] ពីរគ្រឿងមកឈូសកម្ទេចតែម្ដង។ ខ្ញុំស្ទើរតែត្រូវដំថ្ម និងដែកដំបូលផ្ទះ ធ្លាក់សង្កត់ស្លាប់ ប្រសិនបើគ្មានអ្នកមកអូសដៃខ្ញុំចេញទេនោះ។ សកម្មភាពរបស់ពួកគេ សាហាវព្រៃផ្សៃបំផុត»។
អ្នកស្រីហេង មុំ អាយុ ៥៤ ឆ្នាំ ដែលកាលពីថ្ងៃសុក្រ ផ្ទះរបស់គាត់ ត្រូវបានគេវាយកម្ទេចដំបូងដែរនោះ បាននិយាយទាំងទឹកភ្នែករលីងរលោងថា ពួកគេហៅគាត់ទៅចរចា ដោយឲ្យតម្លៃផ្ទះរបស់គាត់ចំនួន ៨០ ០០០ ដុល្លារនិងបានគំរាមបូមខ្សាច់កប់ពន្លិច និងវាយកម្ទេចចោលប្រសិនបើគាត់មិនព្រមទទួលយកតម្លៃនេះ។
អ្នកស្រីបានថ្លែងថា៖ «ខ្ញុំបានបដិសេធ នូវតម្លៃដែលពួកគេបានផ្ដល់ឲ្យ ហើយពួកគេធ្វើមកលើគ្រួសាររបស់ខ្ញុំ ដូចអ្វីដែលពួកគេបានគំរាមនោះមែន»។
លោកអំ សំអាត ប្រធានក្រុមស៊ើបអង្កេត នៃអង្គការសិទ្ធិមនុស្សលីកាដូ បានថ្កោលទោសចំពោះក្រុមសមត្ថកិច្ច ដែលបានប្រើហិង្សាទៅលើប្រជាពលរដ្ឋក្នុងតំបន់បឹងកក់ថា ជាការរំលោភធ្ងន់ធ្ងរទៅលើសិទ្ធិមនុស្ស។ លោកបានថ្លែងថា៖ «យើងពិតជាមានការសោកស្ដាយយ៉ាងក្រៃលែង នៅពេលដែលឃើញក្រុមកម្លាំងសមត្ថកិច្ច បានប្រើអំពើហិង្សាយ៉ាងឃោរឃៅ ទៅលើប្រជាពលរដ្ឋបែបនេះ»។ លោកបានអំពាវនាវ ស្នើឲ្យមានការស៊ើបអង្កេតជាថ្មីជុំវិញករណីនេះ និងទាមទារឲ្យមានការដាក់ទោសទណ្ឌទៅលើបុគ្គល ដែលបានប្រើហិង្សាទៅលើប្រជាពលរដ្ឋ។
មិនមែនមានតែសង្គមស៊ីវិលទេសមត្ថកិច្ច និងមន្ត្រីរាជការមួយចំនួន ដែលបានឃើញហេតុការណ៍នោះផ្ទាល់ភ្នែក បានសម្តែងនូវក្តីអាណិតអាសូរដល់ពលរដ្ឋបឹងកក់ ហើយបានរិះគន់មន្ត្រី និងកងកម្លាំងសមត្ថកិច្ច ដែលបានប្រើអំពើហិង្សាទាំងនោះថា៖ «ខ្វះសីលធម៌ និងខ្វះការអប់រំអំពីច្បាប់ សិទ្ធិ តួនាទី និងកាតព្វកិច្ចរបស់កងកម្លាំង»។
កាលពីថ្ងៃទី ១១ ខែសីហា ឆ្នាំ២០១១ លោកនាយករដ្ឋមន្ត្រីហ៊ុន សែន បានចេញនូវអនុក្រឹត្យថ្មីមួយ ដោយសម្រេចកាត់ដីចំនួន១២,៤៤ហិកតា សម្រាប់ផ្ដល់ជាប្រទានកម្ម ជូនអ្នកភូមិបឹងកក់ដែលនៅសេសសល់ពីការបណ្ដេញចេញ ដើម្បីបញ្ចប់វិវាទដីធ្លីរវាងប្រជាពលរដ្ឋនៅក្នុងតំបន់បឹងកក់ និងក្រុមហ៊ុនស៊ូកាគូអ៊ីន ដែលបានអូសបន្លាយប្រមាណជា ៥ ឆ្នាំមកហើយនេះ ។
លោកសៀ ភារម្យ ប្រធានអង្គការបេសកកម្មសិទ្ធិលំនៅដ្ឋាន បានសម្ដែងនូវក្តីព្រួយបារម្ភយ៉ាងខ្លាំង អំពីជម្លោះជាថ្មី ដែលកើតឡើងដោយសារតែអាជ្ញាធររាជធានីភ្នំពេញ បកស្រាយអត្ថន័យ និងខ្លឹមសាររបស់អនុក្រឹត្យលេខ ១៨៣ មិនបានត្រឹមត្រូវ ដែលនាំឲ្យប្រជាពលរដ្ឋចំនួនជិត ១០០ គ្រួសារ មិនត្រូវបានគេផ្ដល់ប័ណ្ណកម្មសិទ្ធិដីធ្លី ដែលផ្ដល់ដោយអនុក្រឹត្យថ្មីនេះ។ លោកបានថ្លែងថា៖ «អាជ្ញាធររាជធានីភ្នំពេញ ទំនងជាមានចេតនា បកស្រាយខ្លឹមសារនៃអនុក្រឹត្យលេខ ១៨៣ ឲ្យខុសពីអត្ថន័យដើម ដើម្បីកាត់យកចំណែកដី១២,៤៤ ហិកតា ពីប្រជាពលរដ្ឋទៅឲ្យក្រុមហ៊ុន»។
លោកពេជ្រ ចាន់ធា អាយុ ៤៤ឆ្នាំ ជាមន្ត្រីរាជការម្នាក់ រស់នៅភូមិ ២៣ សង្កាត់ស្រះចក បានរិះគន់ខ្លាំងៗ បន្ទាប់ពីឃើញការឈូសកម្ទេចផ្ទះ និងការវាយដំយ៉ាងហិង្សា កាលពីថ្ងៃសុក្រនោះថា រដ្ឋាភិបាល កំពុងមានមោទនភាព និងកំពុងតែអភិវឌ្ឍប្រទេសឲ្យទៅជាព្រះរាជាណាចក្រអច្ឆរិយ ប៉ុន្តែមន្ត្រីរដ្ឋាភិបាលមួយចំនួន កំពុងធ្វើទុក្ខបុកម្នេញប្រជាពលរដ្ឋ និងកំពុងកែប្រែជីវភាពប្រជាពលរដ្ឋ «ពីការរស់នៅមានទីជម្រកល្អរឹងមាំមានសុវត្ថិភាព និងមានមុខរបរសមរម្យ ទៅជារស់នៅក្រោមដំបូលតង់ និងដោយភាពស្រេកឃ្លាន»។
លោកអភិបាលរាជធានី កែប ជុតិមា លោកទូច ណារ៉ុថ ស្នងការនិងលោកឡាវ វ៉ាន់ អគ្គនាយករងក្រុមហ៊ុន ស៊ូកាគូអ៊ីន មិនអាចទំនាក់ទំនងសុំការអត្ថាធិប្បាយបានទេ កាលពីម្សិលមិញ៕
No comments:
Post a Comment