របាយការណ៏វិភាគ សាលាដំបូងខេត្តរតនគិរី ព្យាយាមរកកំហុសវាយប្រហារលើមន្ត្រីឆ្នើមសមាគមអាដហុក ១៣ ខែតុលា ឆ្នាំ២០១១

របាយការណ៏វិភាគ

សាលាដំបូងខេត្តរតនគិរីព្យាយាមរកកំហុសវាយប្រហារលើមន្ត្រីឆ្នើម សមាគមអាដហុក

១៣ ខែតុលា ឆ្នាំ២០១១

ទំនាក់ទំនង

លោក សឿង យ៉ារ៉ាត់ ពិការជើងដោយសារអង្គរក្សក្រុមហ៊ុនបាញ់ ០៩៧ ២៩៥១៨៦៦

លោកចៅក្រម ឡៅ ឡុច ០១២ ៦០០ ៦៥៥

លោក រដ្ឋា វិសាល ០១២ ៤៥១៦៧៥

លោកប៉ែន ប៊ុណ្ណារ៏ ០១៥ ៩៦៤០៥៦

 

ទំនាស់ដីធ្លីដ៏រ៉ាំរ៉ៃរវាងអ្នកភូមិជនជាតិដើមភាគតិចទំពូន ១៣៦ គ្រួសារ ជាមួយក្រុមហ៊ុន DM Group លើទំហំដីសរុប ២៦០ ហិកតា​ អូសបន្លាយតាំងបីឆ្នាម២០០៥រហូតមក នៅមិនត្រូវបាន ចាត់វិធាន ការដោះ​ស្រាយជូនប្រជាពលរដ្ឋ​នៅឡើយទេ ផ្ទុយទៅវិញ មានមនុស្ស១៨នាក់ អ្នក​ភូមិមាន១៣ នាក់ រួមជាមួយមន្ត្រីសិទ្ធិ​មនុស្ស៣នាក់ សកម្មជន ការពារព្រៃឈើ១នាក់ និង​អ្នក​​សារ​​ពត៌មាន​ ក៏បាន​ទទួលរងនូវការ​ចោទ​ប្រកាន់យ៉ាង អយុត្តិធម៌ពីតុលាការខេត្តរតនគិរី តាម​បណ្តឹង​​របស់​​ក្រុមហ៊ុនតាំង ពីឆ្នាំ​២០០៨ រហូត មកក្នុងនោះមានសកម្មជនការពារ​សិទ្ធិមនុស្ស​ម្នាក់ យ៉ាង ថន ធ្លាប់ជាប់​ពន្ធនាគារជាង មួយឆ្នាំកាលពីថ្អៃទី២៧ វិច្ឆិកា ២០០៨។   

រហូតមកដល់ឆ្នាំ២០១១ នេះ អស់ពីចៅក្រមមួយ ចូលដល់ចៅក្រមមួយទៀត តុលាការ ខេត្តនេះ នៅតែព្យាយាមស្វែងរកកំហុសមកលើលោក ប៉ែន ប៊ុណ្ណារ៏ ម្តងហើយម្តង ទៀត ក្នុងបំណង បំបាក់ស្មារតីមន្ត្រីសិទិ្ធមនុស្សឆ្នើមរូបនេះ។ ជាពិសេសបន្ទាប់ពី ចៅក្រម ថោ សារ៉ន​រកមិន​ឃើញកំហុស​ព្រហ្មទណ្ឌណាមួយមកលើ ប៉ែន ប៊ុណ្ណារ៏ សំណុំរឿងព្រហ្មទណ្ឌលេខៈ ២៨៣ ចុះថ្ងៃទី២៤ ខែវិច្ឆិកា ឆ្នាំ២០០៨ នេះបានធ្លាក់មក លើចៅក្រមថ្មី ឈ្មោះឡៅ ឡុច បានយកមក​ចាត់ការ​ម្តងទៀត។

នៅថ្ងៃទី១៣ ខែ តុលា ឆ្នាំ២០១១ ចៅក្រម ឡៅ ឡុច បានធ្វើការសាកសួរជនជាប់ចោទ ៣នាក់ មានលោក រដ្ឋា វិសាល មន្ត្រីវិទ្យុអាស៊ីសេរី លោក ឆាយ ធី អ្នកស៊ើបអង្កេត សមាគមអាដហុក​ប្រចាំខេត្តរតនគិរី និងលោក ប៉ែន ប៊ុណ្ណារ៏ ពីបទញុះញង់បង្កឲ្យមាន បទល្មើស។

តាមការសាកសួររបស់លោកចៅក្រម ឡៅ ឡុច ទៅលើលោក រដ្ឋា វិសាល មន្ត្រីវិទ្យុ អាស៊ីសេរី នៅក្នុងបន្ទប់ ចៅក្រមរូបនោះបានឈ្លេចសួរយកចំលើយអំពីទង្វើរបស់ លោក ប៉ែន ប៊ុណ្ណារ៏ កន្លង មកតាំងពីឆ្នាំ២០០៨ នៅពេលដែលលោក ប៉ែន ប៊ុណ្ណារ៏ ធ្វើការផ្សព្វផ្សាយជាមួយសហគម​រងគ្រោះអំពីសិទិ្ធមនុស្ស លទ្ធិប្រជាធិបតេយ្យ ច្បាប់ និងយុទ្ធសាស្ត្រតស៊ូមតិ សំរាប់ការពារដី និងធន ធានធម្មជាតិ ដែលកំពុងតែមាន ទំនាស់ជាមួយក្រុមហ៊ុន DM Group។ នៅក្នុងការ សាកសួរ លោក​រដ្ឋា វិសាល បាន ឆ្លើយប្រាប់ចៅក្រមថា លោក ប៉ែន ប៊ុណ្ណារ៏ បានទៅធ្វើការ ផ្សព្វផ្សាយ ដល់អ្នក ភូមិពិត ប្រាកដមែន តែលោក ប៉ែន ប៊ុណ្ណារ៏ គាត់បានពន្យល់ ពីការតស៊ូ មតិដោយសន្តិវិធី និង ហាមឃាត់នូវការប្រើអំពើហឹង្សា មានន័យថា ការដោះស្រាយ ទំនាស់ ដោយសន្តិវិធី និងតាមច្បាប់ជានិច្ច។

លោក ឆាយ​ធី បានឆ្លើយបំភ្លឺចៅក្រមថា កាលពីឆ្នាំ២០០៨ លោកមានតួនាទីជាសកម្ម ជន​របស់ អាដហុកតែប៉ុណ្ណោះ លោកមិនដឹងអំពីរឿងនេះទេ។ គាត់បានដើរតាមលោក ប៉ែន ប៊ុណ្ណារ៏ ជាច្រើន ដងក្នុងការជួយផ្សព្វផ្សាយណែនាំសហគមន៏អំពីសិទ្ធិមនុស្ស និងច្បាប់ ជា​ពិសេសការតស៊ូមតិដោះ ស្រាយទំនាស់ដោយសន្តិវិធី។ 

នៅពេលរសៀល លោកចៅក្រមបានសាកសួរលោកប៉ែន ប៊ុណ្ណារ៏  អំពីការឆេះស្ពាន ក្រុមហ៊ុន កាល ពីថ្ងៃទី២២ ខែវិច្ឆិកា ឆ្នាំ២០០៨ នៅពេលដែលលោក​ប៉ែន ប៊ុណ្ណារ៏  បាន ដឹកនាំក្រុមសិទ្ធិ​មនុស្សរបស់ ព្រឹទ្ធសភាទៅទស្សនកិច្ច សិក្សាស្វែងយល់ពីស្ថានភាព ទំនាស់ដីធ្លីនៅបាតាង។​ លោក មិនបានដឹក នាំអ្នកភូមិឲ្យប្រើអំពើហឹង្សានោះទេ រាល់ សកម្មភាពផ្សព្វផ្សាយ លោកប៉ែន ប៊ុណ្ណារ៏ តែងតែពន្យល់ និងហាមឃាត់អ្នកភូមិសូម កុំឲ្យប្រើអំពើហឹង្សាយកមកដោះស្រាយ ទំនាស់។
​

លោកប៉ែន ប៊ុណ្ណារ៏ និងលោក ឆាយ ធី ត្រូវបានអតីតចៅក្រមស៊ើបអង្កេត លោក ថា សារ៉ន បានធ្វើ ការសាកសួរម្តងរួចមកហើយកាលពីថ្ងៃទី៤ ខែសីហា ឆ្នាំ២០០៩ ដោយមិនអាចរក​ឃើញនូវកំហុស ព្រហ្មទណ្ឌណាមួយឡើយ។

នៅថ្ងៃទី១៣ ខែតុលា ឆ្នាំ២០១១នេះ បន្ទាប់ពីសាកសួរចប់ចៅក្រមនៅមិនទាន់សំរេច នៅ​ឡើយ ។​

បើវិភាគផ្នែកច្បាប់ពីនីតិវិធីវិញ តុលាការខេត្តនេះមានភាពអយុត្តិធម៌ លំអៀងទៅលើ ក្រុមហ៊ុន ដោយ​ព្យាយាមចាត់ការ​បណ្តឹង​ប្រឆាំង​នឹងអ្នកភូមិក្រីក្រ ប្រឆាំងនឹងអ្នកជួយ គាំទ្រ​សហគមន៏រង​គ្រោះ ។ ចំណែក​បណ្តឹងពី​ប្រជាពលរដ្ឋរងគ្រោះដែលបានដាក់ទៅ តុលាការកន្លងមក តុលាការ​នេះ​មិន​​បាន​ចាត់​វិធាន​ការ​តាមផ្លូវច្បាប់ណាមួយទាល់តែ សោះ ជាក់ស្តែង ជនជាតិទំពូនម្នាក់​ឈ្មោះ សឿង យារ៉ាត់ ត្រូវបានអង្គរក្សក្រុមហ៊ុន DM Group បាញ់បំបាក់ភ្លៅ បណ្តាលឲ្យ​ពិការ​មួយជីវិត បាន ដាក់បណ្តឹងព្រហ្មទណ្ឌ ទៅតុលាការ រហូតមកដល់ពេលនេះ មិនទាន់មានការ​កោះហៅ​​សាកសួរ ឬតាមចាប់ ខ្លួនជនល្មើសទាល់តែសោះ ទោះជាមានភស្តុតាង សាក្សីបាន​ឃើញ ថាអង្គ​រក្ស​ជាជន​ដៃដល់នោះ បានបាញ់យ៉ាងជាក់ស្តែងមកលើលោក សឿង យ៉ារ៉ាត់ កាលពីព្រឹក ថ្ងៃទី ២២ ខែមិថុនា ឆ្នាំ២០០៩ ក៏ដោយ ក៏តុលាការខេត្តរតនគិរី មិនយកមកចាត់ ការចាប់ជន ល្មើសផ្តន្ទាទោសទាល់ តែសោះ។ 

និងមានករណីមួយទៀតកាលពីថ្ងៃទី ៣០ ខែវិច្ឆិកា ២០០៨ ខ្ទមចាំចំការរបស់អ្នកភូមិ ត្រូវបាន​កង កំលាំងការពារក្រុមហ៊ុនដុតបំផ្លាញចោលគ្មានសល់។  ករណីនេះក៏មិន មានណាត់ការពី តុលាការ ខេត្តនេះទាល់តែសោះ។  

ករណីទំនាស់ដីធ្លីនេះ យើងអាចនិយាយបានថា តុលាការនេះមិនមានភាពឯករាជ្យ មានភាព​លំអៀង​ទៅ​ភាគីក្រុមហ៊ុន មានចេតនាឃុបឃិតវាយប្រហារអ្នកការពារសិទ្ធិ មនុស្ស​ទោះជារក​មិន​ឃើញ​ នូវកំហុសព្រហ្មណទណ្ឌណាមួយក៏ដោយ។

អានុសាសន៏ៈ រដ្ឋាភិបាលមិនត្រូវទុកបណ្តោយឲ្យតុលាការខេត្តនេះ ចូលរួមជាមួយក្រុម ហ៊ុន​ទុច្ចរិត ធ្វើការគៀបសង្កត់ ធ្វើទុក្ខបុកម្នេញមកលើអ្នកភូមិរងគ្រោះ ដោយមិនបាន ផ្តល់យុត្តិធម៌ជូនអ្នក ភូមិទាល់តែសោះតែបែរជាចាត់វិធានការផ្នែកច្បាប់ដើម្បី ប្រយោជន៏ក្រុមហ៊ុនទៅវិញ។ តុលាការ បែបនេះ មិនគួរមានវត្តមានដើម្បីឲ្យប៉ះពាល់ ដល់កិត្តិយសតុលាការដទៃទៀត ដែល​បាន​ផ្តល់​នូវភាពយុត្តិធម៌ ។

រដ្ឋាភិបាលត្រូវតែចាត់វិធានការជាបន្ទាន់កុំទុកបណ្តោយឲ្យតុលាការជាឧបសគ្គក្នុងការអភិវឌ្ឍន៏ ​ប្រទេស​ជាតិ ជាពិសេសជាគំរូមិនល្អ ដឹងសុះសាយជាសាធារណៈអាចនឹង ប៉ះពាល់ដល់​យុទ្ធសាស្ត្រ​ កំណែទំរង់ប្រព័ន្ធយុត្តិធម៌នៅកម្ពុជា។

ភ្នំពេញ  ថ្ងៃទី១៣ ខែតុលា ឆ្នាំ២០១១