រដ្ឋាភិបាលយល់ព្រមកែសម្រួលចំណុចខ្លះនៃច្បាប់គ្រប់គ្រងអង្គការ
តំណាងអង្គការក្រៅរដ្ឋាភិបាលបានជួបជាមួយមន្ត្រីក្រសួងមហាផ្ទៃ នៅថ្ងៃទី២១ ខែមករានេះ ដើម្បីពិភាក្សាគ្នាអំពីសេចក្ដីព្រាងច្បាប់ស្ដីពីសមាគម និងអង្គការមិនមែនរដ្ឋាភិបាល ដែលតាក់តែងដោយរដ្ឋាភិបាលកម្ពុជា តែត្រូវបានអង្គការមិនមែនរដ្ឋាភិបាលរិះគន់ថា រដ្ឋាភិបាលបានដាក់សម្ពាធលើអង្គការក្រៅរដ្ឋាភិបាល ហើយបានព្យាយាមតវ៉ាសុំឲ្យរដ្ឋាភិបាលកែប្រែចំណុចទាំងនោះវិញ។
លោក សុក សំអឿន នាយកប្រតិបត្តិក្រុមអ្នកច្បាប់ការពារសិទ្ធកម្ពុជា ដែលបានចូលរួមក្នុងកិច្ចពិភាក្សានោះ មានប្រសាសន៍ថា មន្ត្រីក្រសួងមហាផ្ទៃ ដែលជាអ្នកតាក់តែងច្បាប់នេះ បានយល់ព្រមកែសម្រួលចំណុចខ្លះតាមការតវ៉ារបស់មន្ត្រីអង្គការ ក្រៅរដ្ឋាភិបាលមួយចំនួនហើយ។
លោក សុក សំអឿន មានប្រសាសន៍ទៀតថា ៖ «និយាយរួមទៅខាងរដ្ឋាភិបាលគេលើកយកចំណុចដែលអង្គការសមាគមបានស្នើ ឡើងនៅថ្ងៃ១០ (មករា) មកជជែកគ្នាម្ដងមួយៗ។ មានចំណុចច្រើនដែលយើងព្រមព្រៀងគ្នា»។
រដ្ឋាភិបាលបានធ្វើសេចក្ដីព្រាងច្បាប់ស្ដីពីសមាគម និងអង្គការមិនមែនរដ្ឋាភិបាល ហើយបានប្រកាសជាសាធារណៈនៅថ្ងៃទី១៥ ខែធ្នូ ឆ្នាំ២០១០ កន្លងទៅ ដែលមាន ៥៨មាត្រា និង ១១ជំពូក។ ក៏ប៉ុន្តែក្រុមមន្ត្រីមិនមែនអង្គការរដ្ឋាភិបាលបានតវ៉ាថា មានចំណុចជាច្រើនដែលបានចែងក្នុងសេចក្ដីព្រាងនោះដូចជារឹតត្បិត សកម្មភាពរបស់អង្គការមិនមែនរដ្ឋាភិបាលជ្រុលពេក ដូចជាការដាក់កំហិត នៃការចុះបញ្ជី រួមទាំងតម្រូវឲ្យធ្វើរបាយការណ៍ហិរញ្ញវត្ថុរបស់អង្គការជាដើម ដោយក្រុមមន្ត្រីអង្គការក្រៅរដ្ឋាភិបាលអះអាងថា សេចក្ដីព្រាងនេះជាការរើសអើងដល់ក្រុមឯកជនដែលមិនមែនអង្គការ ក្រៅរដ្ឋាភិបាល ដូចជាអ្នកផ្ទុកមេរោគអេដស៍ អ្នកគាំទ្រកីឡា និងសាសនាជាដើម ហើយក្រុមមន្ត្រីអង្គការក្រៅរដ្ឋាភិបាលក៏បានព្យាយាមសុំឲ្យ រដ្ឋាភិបាលកែសម្រួលចំណុចទាំងនោះជាបន្តបន្ទាប់។
ចំណែកភាគីរដ្ឋាភិបាលវិញបានអះអាងថា ការរៀបចំច្បាប់នេះឡើង គឺក្នុងបំណងគ្រប់គ្រងអង្គការក្រៅរដ្ឋាភិបាលឲ្យបានពេញលេញ ព្រោះថា មានអង្គការមួយចំនួនមិនគោរពច្បាប់ ហើយបានបង្កអនាធិបតេយ្យក្នុងសង្គមខ្មែរ ដែលតម្រូវឲ្យក្រសួងត្រូវការត្រួតពិនិត្យឲ្យបានហ្មត់ចត់ ដើម្បីងាយស្រួលចាត់វិធានការតាមច្បាប់។
លោក សុក សំអឿន មានប្រសាសន៍ថា ការតវ៉ាលើកនេះរបស់មន្ត្រីអង្គការក្រៅរដ្ឋាភិបាល ភាគីរដ្ឋាភិបាលហាក់ដូចជាបន្ទន់ជំហរច្រើនជាងមុន ៖ «កន្លងមកយើងស្នើច្រើនចំណុច ច្រើនមាត្រា និយាយរួមទៅណា ក៏ប៉ុន្តែគ្រាន់តែពាក់ព័ន្ធសំខាន់ត្រង់ចំណុចចុះបញ្ជី យើងព្រឹកមិញ (២១ មករា) អូ.ខេ (O.K) ហើយ ហើយពាក់ព័ន្ធក្រុមដែលជាមិនមែនជាអង្គការសមាគមអីហ្នឹង យើងបានជជែកគ្នាហើយ»។
យ៉ាងណាក្ដី លោក សុក សំអឿន បង្ហើបថា កិច្ចពិភាក្សានេះនៅមិនទាន់ចប់នៅឡើយទេ ហើយនៅមានចំណុចសំខាន់ជាច្រើនទៀត ដែលនឹងត្រូវជជែកគ្នាបន្តទៅទៀត ហើយមិនដឹងថា តើភាគីរដ្ឋាភិបាលនឹងយល់ព្រមតាមសំណើររបស់មន្ត្រីក្រៅ រដ្ឋាភិបាលដែរ ឬយ៉ាងនោះទេ៕
http://www.rfa.org/khmer/
Welcome all comments on this blog
តំណាងអង្គការក្រៅរដ្ឋាភិបាលបានជួបជាមួយមន្ត្រីក្រសួងមហាផ្ទៃ នៅថ្ងៃទី២១ ខែមករានេះ ដើម្បីពិភាក្សាគ្នាអំពីសេចក្ដីព្រាងច្បាប់ស្ដីពីសមាគម និងអង្គការមិនមែនរដ្ឋាភិបាល ដែលតាក់តែងដោយរដ្ឋាភិបាលកម្ពុជា តែត្រូវបានអង្គការមិនមែនរដ្ឋាភិបាលរិះគន់ថា រដ្ឋាភិបាលបានដាក់សម្ពាធលើអង្គការក្រៅរដ្ឋាភិបាល ហើយបានព្យាយាមតវ៉ាសុំឲ្យរដ្ឋាភិបាលកែប្រែចំណុចទាំងនោះវិញ។
លោក សុក សំអឿន នាយកប្រតិបត្តិក្រុមអ្នកច្បាប់ការពារសិទ្ធកម្ពុជា ដែលបានចូលរួមក្នុងកិច្ចពិភាក្សានោះ មានប្រសាសន៍ថា មន្ត្រីក្រសួងមហាផ្ទៃ ដែលជាអ្នកតាក់តែងច្បាប់នេះ បានយល់ព្រមកែសម្រួលចំណុចខ្លះតាមការតវ៉ារបស់មន្ត្រីអង្គការ ក្រៅរដ្ឋាភិបាលមួយចំនួនហើយ។
លោក សុក សំអឿន មានប្រសាសន៍ទៀតថា ៖ «និយាយរួមទៅខាងរដ្ឋាភិបាលគេលើកយកចំណុចដែលអង្គការសមាគមបានស្នើ ឡើងនៅថ្ងៃ១០ (មករា) មកជជែកគ្នាម្ដងមួយៗ។ មានចំណុចច្រើនដែលយើងព្រមព្រៀងគ្នា»។
រដ្ឋាភិបាលបានធ្វើសេចក្ដីព្រាងច្បាប់ស្ដីពីសមាគម និងអង្គការមិនមែនរដ្ឋាភិបាល ហើយបានប្រកាសជាសាធារណៈនៅថ្ងៃទី១៥ ខែធ្នូ ឆ្នាំ២០១០ កន្លងទៅ ដែលមាន ៥៨មាត្រា និង ១១ជំពូក។ ក៏ប៉ុន្តែក្រុមមន្ត្រីមិនមែនអង្គការរដ្ឋាភិបាលបានតវ៉ាថា មានចំណុចជាច្រើនដែលបានចែងក្នុងសេចក្ដីព្រាងនោះដូចជារឹតត្បិត សកម្មភាពរបស់អង្គការមិនមែនរដ្ឋាភិបាលជ្រុលពេក ដូចជាការដាក់កំហិត នៃការចុះបញ្ជី រួមទាំងតម្រូវឲ្យធ្វើរបាយការណ៍ហិរញ្ញវត្ថុរបស់អង្គការជាដើម ដោយក្រុមមន្ត្រីអង្គការក្រៅរដ្ឋាភិបាលអះអាងថា សេចក្ដីព្រាងនេះជាការរើសអើងដល់ក្រុមឯកជនដែលមិនមែនអង្គការ ក្រៅរដ្ឋាភិបាល ដូចជាអ្នកផ្ទុកមេរោគអេដស៍ អ្នកគាំទ្រកីឡា និងសាសនាជាដើម ហើយក្រុមមន្ត្រីអង្គការក្រៅរដ្ឋាភិបាលក៏បានព្យាយាមសុំឲ្យ រដ្ឋាភិបាលកែសម្រួលចំណុចទាំងនោះជាបន្តបន្ទាប់។
ចំណែកភាគីរដ្ឋាភិបាលវិញបានអះអាងថា ការរៀបចំច្បាប់នេះឡើង គឺក្នុងបំណងគ្រប់គ្រងអង្គការក្រៅរដ្ឋាភិបាលឲ្យបានពេញលេញ ព្រោះថា មានអង្គការមួយចំនួនមិនគោរពច្បាប់ ហើយបានបង្កអនាធិបតេយ្យក្នុងសង្គមខ្មែរ ដែលតម្រូវឲ្យក្រសួងត្រូវការត្រួតពិនិត្យឲ្យបានហ្មត់ចត់ ដើម្បីងាយស្រួលចាត់វិធានការតាមច្បាប់។
លោក សុក សំអឿន មានប្រសាសន៍ថា ការតវ៉ាលើកនេះរបស់មន្ត្រីអង្គការក្រៅរដ្ឋាភិបាល ភាគីរដ្ឋាភិបាលហាក់ដូចជាបន្ទន់ជំហរច្រើនជាងមុន ៖ «កន្លងមកយើងស្នើច្រើនចំណុច ច្រើនមាត្រា និយាយរួមទៅណា ក៏ប៉ុន្តែគ្រាន់តែពាក់ព័ន្ធសំខាន់ត្រង់ចំណុចចុះបញ្ជី យើងព្រឹកមិញ (២១ មករា) អូ.ខេ (O.K) ហើយ ហើយពាក់ព័ន្ធក្រុមដែលជាមិនមែនជាអង្គការសមាគមអីហ្នឹង យើងបានជជែកគ្នាហើយ»។
យ៉ាងណាក្ដី លោក សុក សំអឿន បង្ហើបថា កិច្ចពិភាក្សានេះនៅមិនទាន់ចប់នៅឡើយទេ ហើយនៅមានចំណុចសំខាន់ជាច្រើនទៀត ដែលនឹងត្រូវជជែកគ្នាបន្តទៅទៀត ហើយមិនដឹងថា តើភាគីរដ្ឋាភិបាលនឹងយល់ព្រមតាមសំណើររបស់មន្ត្រីក្រៅ រដ្ឋាភិបាលដែរ ឬយ៉ាងនោះទេ៕
http://www.rfa.org/khmer/
Welcome all comments on this blog
No comments:
Post a Comment