ដោយ មុំ សុផុន
2011-11-01
ប្រជាពលរដ្ឋនៅភូមិ៣ សង្កាត់លេខ១ ក្រុងព្រះសីហនុ ខេត្តព្រះសីហនុ ប្រមាណ ១០០នាក់ នៅព្រឹកថ្ងៃទី១ ខែវិច្ឆិកានេះ បានជួបប្រជុំគ្នានៅខាងមុខសាលាខេត្ត ស្វែងរកអន្តរាគមន៍ពីអភិបាលខេត្ត ដើម្បីសុំពន្យារពេលការអនុវត្តសាលក្រមរឹបអូសដីពីប្រជាពលរដ្ឋជាង ១៣០គ្រួសារ ទៅឲ្យអ្នកឈ្នះក្ដីឈ្មោះ ចាន់ កាំង។
១-វិច្ឆិកា-២០១១៖ ប្រជាពលរដ្ឋនៅភូមិ៣ សង្កាត់១ ក្រុងព្រះសីហនុ ខេត្តព្រះសីហនុ ជួបប្រជុំគ្នានៅខាងមុខសាលាខេត្ត ដើម្បីស្វែងរកអន្តរាគមន៍ក្នុងរឿងជម្លោះដី។
ទោះជាយ៉ាងណា ប្រជាពលរដ្ឋបានថ្លែងថា មន្ត្រីខេត្តមិនបានឆ្លើយតបចំពោះការស្នើសុំរបស់ពួកគាត់ទេ ហើយបានឲ្យប្រជាពលរដ្ឋធ្វើលិខិតដាក់ទៅកាន់តុលាការវិញ។
ប្រជាពលរដ្ឋបានត្រឡប់ទៅលំនៅរៀងៗខ្លួនវិញ បន្ទាប់ពីបានជួបប្រជុំគ្នាប្រមាណ ២ម៉ោងរួចមក។
ប្រជាពលរដ្ឋបានត្រឡប់ទៅលំនៅរៀងៗខ្លួនវិញ បន្ទាប់ពីបានជួបប្រជុំគ្នាប្រមាណ ២ម៉ោងរួចមក។
កាលពីព្រឹកថ្ងៃអាទិត្យ ទី៣០ ខែតុលា ឆ្នាំ២០១១ ក្រុមប្រជាពលរដ្ឋបាននាំគ្នាឈរតវ៉ាដោយបិទផ្លូវជាតិលេខ៤ ម្ដងរួចមកហើយ នៅត្រង់ចំណុចមុខសាលាបឋមសិក្សា ហ៊ុន សែន ឃ្លាំងលើ សង្កាត់លេខមួយ ដើម្បីទាមទារឲ្យតុលាការខេត្តព្រះសីហនុ ផ្អាកសកម្មភាពចុះអនុវត្តសាលក្រមរឹបអូសយកដីរបស់ពួកគាត់ ដែលតុលាការគ្រោងធ្វើនៅថ្ងៃទី៤ ខែវិច្ឆិកា ខាងមុខនេះ៕
No comments:
Post a Comment