Monday, November 7, 2011

រដ្ឋសភា​​​អនុម័ត​​សេចក្តី​​ព្រាង​ច្បាប់​​​​គ្រប់​គ្រង​​​​ពន្ធនាគារ​​​៩៤ លើ​៩៦សំឡេង​

រាជធានីភ្នំពេញ​​​​ សេចក្តីព្រាងច្បាប់​ពន្ឋនាគារដែលមាន១១ជំពូក ៨៥មាត្រា ត្រូវ​បាន​សមាជិកសភា៩៤រូបក្នុងចំណោម៩៦រូប លើកដៃអនុម័តកាលពីវេលា ម៉ោងជាង១២ថ្ងៃ ត្រង់ថ្ងៃចន្ទទី៧ វិច្ឆិកា ២០១១នេះ​។

យោងតាមសេចក្តីថ្លែងហេតុរបស់រាជរដ្ឋាភិ បាលកម្ពុជា​បានបញ្ជាក់ថា សេចក្តីព្រាងច្បាប់ពន្ឋនាគារនេះត្រូវបានក្រសួងមហាផ្ទៃតាក់តែង ឡើងក្នុងគោល បំណងកំណត់អំពីការគ្រប់គ្រង ពន្ឋនាគារនៅកម្ពុជា និងដើម្បីផ្តល់ការអប់រំ កែប្រែស្តារនីតិសម្បទា និងធ្វើសមាហរណ​កម្ម​ជនជាប់ឃុំទៅក្នុងសង្គមជាតិ ឡើងវិញនិងទប់ ស្កាត់ការប្រព្រឹត្តបទល្មើសសា​ជាថ្មី ព្រមទាំង​គ្រប់គ្រងជនជាប់ ឃុំអោយធានាបានសន្តិសុខ សុវត្ថិភាព សុខភាព និងមនុស្សធម៌ ស្របតាម​គោល​ការណ៍​អន្តរជាតិ ក៏ដូចជាវិធាន​សហ​ប្រជា​ជាតិ សម្រាប់ការពារអនីតិជន ដែលត្រូវបាន​ដក​ហូតសិទ្ឋិសេរីភាព  

សេចក្តីព្រាងច្បាប់ពន្ឋនាគារនេះ​មាន​វិសាល​ភាពអនុវត្ត​លើពន្ឋនាគារទំាងអស់ក្នុង ប្រទេសកម្ពុជា​លើកលែងតែពន្ឋនាគារយោធា ឬ​កន្លែង​ឃាត់ខ្លួនរបស់នគរបាល យុត្តិធម៌ ឬ​មណ្ឌល​ឃុំ​ខ្លួន​ដទៃទៀត ដែលកំណត់ដោយច្បាប់ផ្សេង



Original source from Koh Santepheap newspaper 

No comments:

Powered By Blogger